آخر نفس خارج | قصيدة حصرية لشاعر العامية المصرية محمد خميس

0

(١) ميتين أصلاً
و الفرق ف شَعر البنت ع الجنب الشمال
طب مين ح يرفع راية العصيان ف قلبي
و يبدد ضلامي
أو مين ح يرحل فيا ف يخطي الحدود
أو مين علي الباب القديم واقف
و خجلان من ضمير ميت
و مسلم الأحوال لرب و سما واسعه
يا مين؟
خذلني فضفضة روحي و كشفي للحقايق
زعلان و متضايق و مفرفره روحي

(٢)
أزرق حنان عيني و حاضن الجدران
في صدري شق الروح
في قلبي كدب أمان

(٣)
أسفلت مبلول
و الشطوط واقفه
ولمين ب ترحل يا مطر ف البرد
يا قلب مليان بالغلط
رمان فرط
فبان لأهتمكم سنان
بان الجبان

(٤)
البر اللي استني غريقُه
ممنون
ووحيد
كمل الركاب
إطلع يا اسطي

اترك رد

لن يتم نشر عنوان بريدك الإلكتروني.