غادة حسن : هذه نصائحي للنجاح في السوشيال ميديا

اختارت الأنفلونسر المصرية الكندية غادة حسن أن تتواصل مع المتحدثين بالعربية وأن تساعد الفتيات الصغار على كيفية اختيار وتنسيق ملابسهن، وكذلك قررت مساعدة بعض السيدات في كيفية تنظيم وقتهن بإلهامهن بعض الأفكار عن الحياة الزوجية وتربية الأطفال وبعض الشئون المنزلية.كذلك تقدم لهن لايف استايل يناسب معظمهن كمان تقدم لهن بعض النصائح المهمة لصحة المرأة وتأخدهن في رحلاتها داخل مصر وخارجها.. وكان لآخر مترو هذا الحوار مع الدكتورة غادة التي تحقق حضوراً كبيراً عبر السوشيال ميديا ويتزايد كل يوم..

173 ألف ريأكت أغضبني على بوست التهنئة ! تفاصيل ترقية مدرس بكلية العلوم التي أشعلت موقع فيسبوك

عن الطيران والديكور وأسرار النجاح وأشياء أخرى.. جولي محمد تتحدث لآخر مترو

هل السوشيال ميديا ممكن لوحدها تصنع نجاح حد؟

  • مؤخراً أنا حاسة إن السوشيال ميديا هي المستقبل بشكل كبير، ناس كتير ممكن توصل وتحقق أحلامها من خلال السوشيال ميديا.. لكن بشرطين: الاجتهاد وتوفيق ربنا، كل اللي بيجتهد بيوصل وبيكون قريبة من الناس بشرط إن الكونتنت اللي تكون بتقدمه مفيد..
    ورغم كل ده أنا شايفة إنه لازم يكون فيه كارير بعيد عن السوشيال ميديا، يعني ممكن تكون السوشيال ميديا حاجة جنب الكارير.. ممكن أعمل منها فلوس كويسة أو base خاص بي.. وبعدها ممكن أعمل براند أو أشتغل في مجال التدريب أو أي كارير يعني حسب الكونتنت اللي أنا باقدمه، أو حتى لو أنا جمعت مبلغ معقول أقدر أفتح بيزنس لي سواء كافيتيريا أو مطعم أو أي حاجة زي كده أفضل من إني أكون معتمدة في حياتي كلها على السوشيال ميديا فقط.

انتي مصرية وعشتي جزء كبير من بداياتك في كندا.. إيه الاختلافات بين الاتنين؟

  • عشت بره جزء كبير بالفعل من حياتي.. وأهلي لسه بره.
    والفرق الأساسي بين هنا وبره هو النظام.. كل حاجة بره منظمة، بالإضافة إلى أن الفرص هناك أكبر بكتير أوي أوي في جميع المجالات، وده بيوفر قدر من الأمان لأنك عارف إنك لو اشتغلت على نفسك هتلاقي الفرصة المناسبة، ومافيش هناك مشكلات عندنا زي الوسايط أو الفلوس..
    لكن رغم كل حاجة فأنا ما زلت أحب أعيش في مصر مش في أي مكان تاني.
  • أحب أعيش في مصر لأني أحب أربي بنتي في مجتمع مسلم، وبصراحة الناس بره إلى حد ما باردين.. مافيش إحساس في حاجات كتير.. الحياة آلية إلى حد كبير.. لكن هنا فيه أحاسيس لطيفة مش بالاقيها في أي مكان رغم كل التطور ..

تفاصيل وفاة النجم سمير غانم بسبب كورونا يسيطر على السوشيال ميديا ويتصدر جوجل ترند خلال ساعة فقط .. وحالة زوجته الفنانة دلال عبد العزيز تثير القلق

 تعرفي على عالم سارة نشأت: دي نصايحي لأي بلوجر عاوز ينجح.. وده رأيي في جروبات الماميز.. والفولورز أذكياء جداً جداً

علاقتك بالصيدلة متوترة رغم إنها مجال دراستك الاصلي وناس كتير بتحب تشتغل فيه.. يا ترى إيه سبب ده؟

  • علاقتي مش متوترة بيها والله.. لكني ما حبيتش المجال أوي، وما طورتش من نفسي فيه خالص، بسبب إنجاب بنتي أثناء فترة الجامعة، وبعدها نزلت شغل بسيط لطيف يناسب ظروفي لكني برضه ما قدرتش أكمل فيه، وبعدها جربت أشتغل في السيلز لكن كذلك الظروف ما كانتش مناسبة أوي..

هل اختيار ألوان الملابس ممكن يعبر عن شخصية حد أو نفسيته؟ وهل ممكن غادة تذكر لنا أمثلة توضح رؤيتها في المسألة دي؟

  • ما أظنش إن اختيار اللون يفرق أوي حسب المود، أنا باشوف الاستايل بيفرق أكتر.. ورغم كده أنا كنت قرأت أكتر من مقال قبل كده عن إن اللون المفضل ليك في اللبس بيدل على شخصيتك أكتر.. فالأزرق مثلاً بيدل على الشخصيات الهادية ، والأحمر للشخصيات الحالمة والأورانج للناس المرحة والفرفوشة، والأسود شوية بتدل على الناس الغامضة أو اللي مش بتتكلم كتير.. وأنا شخصياً بالبس ألوان مختلفة في أكتر من مود.. عشان كده أنا عند رأيي إن الألوان مش بتفرق أوي على قد ما بيفرق الاستايل.

أنا لو مودي مش أفضل حاجة بالبس أي حاجة مريحة وخلاص.. إنما لو مودي كويس باحب ألبس حاجة كلاسيك وشيك وأحط ميك آب وكده لأني باكون نفسياً قادرة أعمل ده..

السوشيال ميديا

فاشون بلوجر واختارتي إنك تقدمي ملابس للمحجبات.. هل ما قلقتيش على إن ده يقلل فرص انتشارك على السوشيال ميديا ؟

  • بالعكس.. أنا كفاشون بلوجر شايفة إن مجال المحجبات هو الأنجح على السوشيال ميديا، لأن كتير أوي من البنات محجبات ومش بتبقى عارفة تلبس إيه.. من حيث تظبيط الألوان أو تظبيط الـ layers، وما كانتش موجودة ناس مصدر ثقة بالنسبة لها توريها أوبشنز أكتر من اللي هي ممكن تعملها لوحدها
السوشيال ميديا خلقت مجتمع جديد البعض بيشوف إنه fake والبعض بيشوف إنه لطيف لأنه بيبين أجمل ما عندنا.. حضرتك بتشوفي السوشيال ميديا بشكل عام إزاي؟
  • السوشيال ميديا عبارة عن صورة أو رسمة.. باحس نفسي artist بارسم لحياتي أكتر شكل جميل ممكن، عشان ده أنا باحب أعمله من ناحية.. والناس مش ناقصة نكد من ناحية تانية.. وحياتي الخاصة لي لوحدي ومش باحب أدخل حد في مشاكلي.. مش معنى كده إني fake لكن في النهاية Iam sharing what I want share.

جابرييل ماركيز ..تعرف على عائلته وزوجته المصرية وأشياء اخرى من هنا

تاني حاجة إني شايفة إن السوشيال معمولة للتسلية والمتعة، ولو أي حد بيقدم أي قيمة حقيقية هو في الآخر لازم بيقدمها في إطار المتعة والتسلية، لأن اللي بيتفرج فاتح السوشيال ميديا يتفرج على الشخص ده لأنه بيحبه مش أكتر..

زي الناس اللي بتتفرج على تليفزيون الواقع.. والناس بالوقت بقوا فاهمين كل حاجة وعارفين إني باعرض الحلو اللي عندي فقط.

السوشيال ميديا

بعض المتابعين بيسألوا: حضرتك بتبدئي يومك إزاي؟ وإزاي ممكن الست تخلق نظام من غير روتين ممل وقاتل؟

  • يومي بيبدأ مع بنتي، أوقات باجهزها للمدرسة وأوقات باوصلها بنفسي لما بتبقى هي حابة ده.. وأنا عموما شخص نهاري إلى حد كبير بيحب ينجز كل حاجاته الصبح.

اقرأ مراجعة رواية أرض زيكولا لعمرو عبد الحميدمن هنا

  • هي في العموم الحياة لها روتين غصب عننا، لكن عشان تكسر ده لازم أعمل حاجة تفرحني أو تبسطني بعيد عن تولين بنتي أو جوزي أو كده.. زي إني أخرج أو أحضر كورس.. وكذلك إنستجرام بيفرحني جداً فباقضي وقت كتير قاعدة باشوف حاجة أو باعمل حاجة أو أرد عل الرسايل..

ياترى مهتمة بالكتب ولو بتروحي معرض الكتاب ايه نوعية الكتب اللي بتفضليه ؟

  • زمان كنت باحب القراءة جداً جداً.. لكن بقى لي فترة ما قرأتش حاجة جديدة، ولما كنت مواظبة على القراءة كنت باقرأ روايات إنجليش بكل صراحة.
السوشيال ميديا

لو بنتك حبت تكون بلوجر أو تشتغل في كارير مرتبط بالسوشيال ميديا.. هل هتحبي ده؟

  • آه ما عنديش مشكلة نهائي إني بنتي تكون بلوجر بشرط إنها تكون حابة ده..

تعرف على أهم المعلومات عن تطبيق التعلم عن بُعد الأشهر في كورونا من هنا

أما المحتوى فتعمل اللي هي تحبه يعني لو دمها خفيف وعاوزة تعمل كوميك كونتنت، أو إنها تون فاشون بلوجر زيي.. أو أي حاجة يعني مش فارقة كتير بشرط واحد وهو إنه ما يكونش مسيء لها كبنت ويكون في الحدود المقبولة أخلاقياً ومجتمعياً ودينياً.

السوشيال ميديا

مقالات ذات صلة

زر الذهاب إلى الأعلى