الكاتبة سارة النجار في اليوم العالمي للمرأة : الحياة أقصر من إنك تؤذي نفسك بعلاقة وأطول من إنك تفتكر نفسك هتتأقلم

يحتل الحساب الشخصي للكاتبة والطبيبة سارة النجار مساحة كبيرة من الاهتمام والمتابعة من قبل العديد من رواد فيسبوك ، ربما لاهتمامها بالربط الدائم بين ما تكتبه وبين ممارسته حياتياً على مواقع التواصل الاجتماعي، فهي ليست (في برج عاجي) كحال كثير من الكتاب، بل تحاول ببساطة أن تحيا ما تكتبه وتشتبك معه بوضوح..

هند عبدالله حقيقية وقوية كعادتها: أعمل حالياً ككاتبة ظل.. وأديبات الرز والبسلة وراء ظهور مصطلح “أدب نسائي

173 ألف ريأكت أغضبني على بوست التهنئة ! تفاصيل ترقية مدرس بكلية العلوم التي أشعلت موقع فيسبوك

سارة النجار

صدر لها كتاب GPS علاقات الذي حقق نجاحاً ملحوظاً، وهي في هذه الفترة في انتظار تجهيز وصدور رواية ، وكتاب آخر في التربية.. وفي #اليوم_العالمي_للمرأة كان آخر مترو حريصاً على محاورة الكاتبة المصرية سارة النجار..

يمكنك الاطلاع من خلال هذا الرابط على عشرات الملخصات لكتب مهمة وحوارات مع كتابك المفضلين

سارة النجار

سارة النجار عن الكتابة النسائية : مافيش مزيكا حريمي

  • جزء كبير من جمهورك ستات.. هل بتشوفي إن الكتابة فيه منها حريمي ورجالي؟

طالما مفيش مزيكا حريمى و علوم فلكية رجالى يبقى أكيد الكتابة كمان مابتتجنسش.

قد تكون صورة لـ ‏‏٣‏ من الأشخاص، بما فيهم ‏ساره النجار‏‏
الكاتبة سارة النجار والكاتبة شيرين سامي أثناء حفل توقيع جي بي إس علاقات
  • في اليوم العالمي للمرأة لازم نسألك ليه بعض المتابعين الرجال بياخدوا منشوراتك من منطقة حساسية؟

والله ياعمرو المتابعين الرجال عندى بشوفهم جزء كبير من جمهورى، ومش بلاقيهم بياخدوا اللى بقوله بحساسية، بالعكس الكتاب مثلا كانت بتوصلني آراء من رجال كتير إنه محايد وإنهم متخيلوش ده، اللى مش هتصدقه إنه أكتر اللى بياخدوا كلامى بحساسية نساء.

  • في اليوم العالمي للمرأة هل حضرتك بتشوفي إن فيه حاجة اسمها “كتابة نسائية”؟ هل حضرتك مع ده ولا ضده؟ وياريت عرفينا السبب..

الكتابة النسائية مصطلح انا سارة بفهمه أن القلم اللى كاتب عارف يشرح الإنسان ويفهم مشاعره ويغوص فى تفاصيله على اعتبار أن الست اقدر من الراجل فى ده وعلى فكرة برضو فيه رجالة بسمى قلهم قلم نسائي، وده مدح على فكرة.

سارة النجار
  • في اليوم العالمي للمرأة خلينا نسألك : امتى علاقة الأم بأولادها تكون حافز وامتى تكون عائق لتحقيق ذاتها كامرأة ؟

علاقة الأم بولادها عمرها مابتكون عائق لتحقيق ذاتها الكلمة اللى انا مبفهمهاش اصلا أصل يعنى ايه تحقيق ذاتها! لو تقصد وظيفتها فأنا بشوف أن أى ست طالما بقت أم لازم تبقى عارفة ان دى الوظيفة الوحيدة ع الكوكب اللى ماينفعش حد غيرها يشتغلها بدالها، آه طبعا وجود مهام الأمومة بيخلي الست ماشية فى مهنتها بالبطىء أو يمكن راكنة على جنب شوية عشان بتعمل حاجة أولى، بس بعد ما احتياجات أطفالها واعتمادهم الجسدى عليها بيقل، الشغل مستنيها مش هيطير.

 قصة ياسمين يحيى مصطفى مع وكالة ناسا .. لماذا أطلقت الوكالة الدولية اسم الطالبة المصرية على كويكب لها؟

هل سرق عبدالرحيم كمال قصة مسلسل نجيب زركش من مسرحية بريخت؟ رؤية مختلفة عن بونتيلا وماتي ونجيب وطريف

محمد صلاح يثير الجدل من جديد على السوشيال ميديا بتغريدته عن أحداث فلسطين

سارة النجار.. عن الكتابة والخيال

  • هل كل كتابات سارة النجار نون- فيكشن؟ ولا فيه كتابات خيالية جاية في الطريق؟ ويا ترى إيه العالم اللي هي هتحب تناقشه في روايتها؟

طبعا طبعا ده فيه رواية أدب رسائل متأكدة باذن الله إنها هتبقى مختلفة، الروايات مش بشوف إنها محتاجة تكون بتناقش عالم، تقدر تقول بتخلق عالم، وهستنى القراء الأفاضل هما اللى يكتشفوه بنفسهم لما الرواية تصدر بإذن الله.

  • كتابك القادم عن التربية.. يا ترى إيه هي أهم المحاور اللي سارة النجار شايفة إنها بتقدم جديد فيها؟

المحاور اللى دائما بشوف أن سارة النجار بتقابل صعوبة فى تقبل الجمهور ليها لأنها جديدة عليهم هى فكرة أن ولادك مش بتوعك ولا ليك سلطة عليهم، ولا دورك تغيرهم، والله المستعان.

سارة النجار
غلاف كتاب جي بي إس علاقات للكاتبة سارة النجار
  • بتستخدمي أحياناً العامية المثقفة كلغة أساسية لكتاباتك هلمش بتتخوفي إن حد يشوف إنها أدنى أو أقل من الفصحى كأداة تعبير؟

مش بشوف العامية ادنى، بس المفاجأة الحصرية ليك ياعمرو أن كتبى الجاية كلها بما فيها كتاب معرض الكتاب القادم فصحى، ومش لأى سبب غير انى بستمتع بيها أكتر.

قد تكون صورة لـ ‏‏‏‏٣‏ من الأشخاص، بما فيهم ‏‎Hala Elbeshbeshy‎‏ و‏ساره النجار‏‏، ‏حجاب‏‏ و‏نص مفاده '‏الهالة للنش والتوزيع DISTRIBUTION & PUBLISHING HALA الهالة تجمعنا GPS علاقات 1 GPS علاقات ساره النجّار‏'‏‏
الكاتبة سارة النجار والكاتبة هالة البشبيشي صاحبة دار الهالة الذي صدر عنها كتاب GPS علاقات

روشتة مختصرة من سارة النجار عن العلاقات والحياة

  • لو حد طلب من حضرتك روشته محددة من خمس عناصر تعتبر مبادئ عامة عشان يظبط بيها GPS علاقاته ممكن يكونوا ايه؟

الروشتة هتكون *اعرف نفسك الاول افهمها، اعرف تاريخك افهم مخاوفك ركز على قيمك العليا

*حب طبيعتك واحترم حدودك واختلافك وماتطوعش ولاتلوى ذراع شخصيتك عشان حد

*جرب كل حاجة بس اوعى تنسى نتيجة اى تجربة عشتها

*ماتجبرش نفسك تسامح حد أذاك، لما تمشى رحلة شفاءك التسامح هيجى لوحده

*الحياة أقصر من إنك تفضل جوا علاقة تؤذيك، وأطول من إنك تفتكر نفسك هتتأقلم.

كتاب GPS علاقات لسارة النجار
  • مؤخراً عملتي أكتر من ورشة لتوضيح مفاهيم كتير تخص العلاقات الإنسانية عموماً؟ والعلاقات بين الرجل والمرأ خصوصاً.. هل بتشوفي ان السوشيال ميديا لوحدها مش بتخليكي قادرة توصلي رسالتك كاملة؟

أكيد ياعمرو السوشيال ميديا لوحدها مش كفاية لانها بتخليك تتكلم كلام عام لازم تراعى وانت بتكتبه إنه يكون مكثف من غير تفاصيل، ولازم كمان تراعى إنك بتخاطب العامة فكلامك لازم يبقى عن مبادىء عامة مش عن كيفية التطبيق اللى بتختلف من بيت لبيت ومن شخص لآخر. عشان كده الورش والكتب حاجة تانية خالص.

قبل تسجيل إحدى اللقاءات مع الكاتبة سارة النجار

يوسف زيدان يثير الجدل على فيسبوك بمنشور عن أحقية الجميع في القدس .. وجمهور السوشيال ميديا: بوست لئيم

تفاصيل وفاة النجم سمير غانم بسبب كورونا يسيطر على السوشيال ميديا ويتصدر جوجل ترند خلال ساعة فقط .. وحالة زوجته الفنانة دلال عبد العزيز تثير القلق

مقالات ذات صلة

تعليق واحد

  1. أمرأة مصرية راقية واعية حقيقية
    حقيقي انك نموذج رائع بالتوفيق الدائم دكتورة سارة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى